അരികിൽ വരുമോ പ്രിയ സഖി നീ
ഇനിയും അകലാതിതു വഴിയേ
കുയിലിൻ നാദം തോൽക്കും നിൻ
ഗാനം കേൾക്കാൻ ഞാനിരിപ്പൂ
ആ സ്വര വീചിയിൽ ഞാനറിയാതെയെൻ
മാനസം ആനന്ദ നൃത്തമാടും
പ്രണയം നിറയും നിൻ മിഴിയിൽ
ഒരു മിഴി നീരായ് ഞാനലിയും
പവിഴം പൊഴിയും നിന്നധരം
എൻ അധരങ്ങളിൽ വന്നണയും
ആ മൃദു സന്ധ്യയിൽ
ഞാനറിയാതെ എൻ
ഹൃദയത്തിൽ ആയിരം പൂ വിടരും
അരികിൽ വരുമോ പ്രിയ സഖി നീ
ഇനിയും അകലാതിതു വഴിയേ
കുയിലിൻ നാദം തോൽക്കും നിൻ
ഗാനം കേൾക്കാൻ ഞാനിരിപ്പൂ
ആ സ്വര വീചിയിൽ ഞാനറിയാതെയെൻ
മാനസം ആനന്ദ നൃത്തമാടും
ജോസ്
13 ആഗസ്ത് 2020
No comments:
Post a Comment